“Kukulla” vjen me premierë në Teatrin e Qytetit “Bekim Fehmiu”

3 Korrik, 2018 - 1:30 pm

Me tekst të Miro Gavran e regji të Kaltrim Balajt, më 8 korrik në Teatrin e Qytetit të Prizrenit “Bekim Fehmiu”, jepet premiera e shfaqjes “Kukulla”, shkruan KultPlus.

Marko, 39 vjeçar ndahet nga e dashura e tij Maria, dhe në internet e sheh që është krijuar një Kukull e cila duket si njeri për nga lëkura e saj dhe ka inteligjence më të madhe se të njeriut. Ajo është krijuar që të përmbushë kërkesat dhe nevojat seksuale të mashkullit dhe është e programuar që të jetë një shtëpiake e mirë, kjo e bënë Markon që ta marrë këtë Kukull dhe të vazhdojë jetën e tij për gjashtë muaj me Kukullën.

Në kastën e aktorëve bëjnë pjesë: Alban Krasniqi dhe Hajat Toçilla ndërsa ass.regjie është Mahir Musliu, kostumet nga Samka Ferri, skenografia Petrit Bakalli e udhëheqës i projektit Fetah Paçarizi.

Shfaqja vjen më 8 korrik me fillim nga ora 20:00./ KultPlus.com

Të ngjajshme