займ на карту онлайн потребительский кредит

Nesër në Dodona vjen shfaqja për fëmijë “Dashuri në fund të detit”

Mars 8, 2019 - 4:16 pm

Nesër në teatrin e kukullave vjen shfaqja për fëmijë “Dashuri në fund të detit” duke filluar nga ora 12:00, shkruan KultPlus.

Legjenda thotë: ”Kush e gjen medalionin magjik, botën do ta sundojë”. Një pirat i vetmuar lundron detit të pafund në kërkim të medalionit. Në një stuhi në det, pirati e shpëton një princeshë nga valët e detit dhe i kërkon që ajo të zhytet në det për ta kërkuar medalionin, pasi atë vetëm një person me shpirt të pastër guxon ta prekë me dorë. Princi i mbretërisë së detit e shpëton Princeshën nga kthetrat e oktapodit të madh dhe aty e kuptojnë se para shumë kohësh ata kishin luajtur bashkë. Pirati merr një porosi në shishe dhe e kupton se s’ka çfarë të bëjë pos të pres, të lundrojë nëpër det dhe të shpresojë ta gjej thesarin.

Autor dhe regjisor: Valdet Rama. Kukullat dhe skenografia: Valdet Rama, dizajni i dritave: Skender Latifi, konsulente: Rina Rama, skicat e skenës dhe kukullave: Rinor Rama. Luajnë: Roza Berisha Fejzullahu dhe Avni Hoti.

Për rezervime mund të thirrni në 038 230 623 çdo ditë, prej orës 10:00 deri 16:00. Kjo shfaqje është për fëmijëe e moshës 3+./ KultPlus.com

https://web.facebook.com/events/155488598716880/

Të ngjajshme