Nesër premiera e shfaqjes “Venus” në Teatrin Dodona

23 Nëntor, 2022 - 5:00 pm

Me datë 24.11.2022, duke filluar nga ora 19:30, do të ipet premiera e shfaqjes “Venus”, sipas dramës “Venera në Gëzof” nga David Ives, në Teatrin Dodona, përcjell KultPlus.

Venus është një komedi e zezë rreth dëshirës, ​​fantazisë dhe dashurisë.

“Nuk ke nevojë me m’tregu për sadomazohizëm. Unë punoj në teatër”.

Aktorja enigmatike Vanda Xhordan shfaqet papritur në audicionin e regjisorit Tomas Novaçek. Ajo këmbngulë të marrë rolin kryesor në produksionin e tij të ri – pavarësisht se duket e papërshtatshme për pjesën. Gjatë një mbrëmjeje në skenën e një teatri, takimi i tyre shndërrohet në një kërcim joshës, dehës dhe erotik.

Shfaqja vjen nën regjinë e Bashkim Ramadanit. Luajnë: Valmira Hoti, Besart Zeneli. Ndërsa, përkthimi vjen nga Qerim Ondozi. Skenografia nga, Burim Arifi, kostumografia nga Blendina Xhema dhe posteri është i punuar nga Gentrit Z. Haziri. / KultPlus.com

Të fundit

Të ngjajshme