Ramë Lahaj, me 8 maj vjen me koncert në Prishtinë

3 Maj, 2018 - 6:58 pm

Tenori i njohur Ramë Lahaj po vjen në Kosovë.

Me datë 8 maj, tenori me ftesë nga Ambasadorja Apostolova do të mbajë koncert në Prishtinë, në Amfiteatrin e Ri të Bibliotekës Universitare në Kosovë.

Lahaj nuk ka koncertuar asnjëherë në Kosovë prej kohës kur nisi të merrte famë.
Koncerti do të jetë i hapur për të gjithë por biletat duhet siguruar paraprakisht.

Koncerti po vjen në kuadër të “Ditëve të Evropës” që festohen në Kosovë, me organizim të Zyrës së Bashkimit Evropian në Kosovë.

Lahaj një ditë më pas do ta mbajë një masterklasë në të njëjtin lokacion.

Lahaj ishte njëri ndër fituesit e çmimit OPERALIA ndërsa së fundmi ka koncertuar bashkë me Placido Domingon. Ai është ndër tenorët më të mirë të gjeneratës së tij dhe premton shumë në botën e muzikës klasike. / KultPlus.com

Të fundit

Të ngjajshme