Me regji të Zana Durakut, po vjen shfaqja teatrale për fëmijë e titulluar “Shpresa e Presa” e autorit Rifat Kukaj, përcjell KultPlus.

Ngjarja do të shënojë një kombinim të veçantë të premierës së shfaqjes teatrale për fëmijë “Shpresa e Presa” duke përkujtuar kontributin e jashtëzakonshëm të autorit Rifat Kukaj. Ky projekt është një shembull konkret i suksesit që vjen nga bashkëpunimi midis krijuesve dhe institucioneve kulturore.

Në këtë shfaqje luajnë: Ernest Malazogu, Armend Ballazhi, Rreze Çatani, Leuk Malazogu, Alba Sopaj, Dëbora Zeneli, Etrit Selmani.

Menaxhere e projektit është Iliriana Kryeziu, kompozitor: Lis Mustafa, Ndricues: Fikrim Menekshe, Realizues i kostumeve dhe skenografisë: Bajram Spahiu.

Shfaqja vjen premierë më datë 28 shkurt, në ora 18:00 në Teatrin e Qytetit ‘Bekim Fehmiu’ – Salla “Black Box” në Prizren.

Ky projekt është mbështetur nga Ministria e Kulturës, Rinisë dhe Sportit, realizuar nga Dua Women Association (Shoqata e Gruas Dua), në bashkëpunim me Teatrin e qytetit “Bekim Fehmiu”. / KultPlus.com