Shpend Ahmeti dëshiron trupë rezidente prej 20 aktorësh në teatrin ‘Dodona’

24 Mars, 2018 - 4:14 pm

Kreu i Prishtinës, Shpend Ahmeti, i ka bërë kërkesë Ministrisë së Financave që të lejojë financimin e trupës rezidente të Teatrit të Qytetit.

Sipas kërkesës së dërguar më 13 mars në adresë të ministrit Bedri Hamza, kërkohet që të mundësohet pagesa për 20 aktorë për teatrin “Dodona”.

“Teatri i Qytetit duhet të ketë trupën rezidente në përputhje me Ligjin. Me 13 mars kemi dërguar kërkesën në Ministrinë e Financave që të na lejohet financimi i trupës rezidente sipas kërkesës së aktoreve të Prishtinës. Kryeqyteti duhet ta ketë teatrin funksional”, ka thënë Ahmeti, teksa ka bashkëngjitur edhe letrën që i ka dërguar ministrit Hamza.

Në anën tjetër, nisma për Trupën është e kahmotshme dhe vullneti i njerëzve të angazhuar mund të rezultojë me sukses në fund. / KultPlus.com

Të fundit

Të ngjajshme