Teatri SARTR në Sarajevë, me shfaqje për të ndihmuar regjisorin Bekim Lumi

16 Mars, 2018 - 10:57 am

Në vazhdën e aktiviteteve të organizuara në përkrahje të Bekim Lumit dhe luftës së tij kundër kancerit, kolegët artistë të Sarajevës tregojnë solidaritetin dhe përkrahjen e tyre.

Teatri SARTR (Teatri i luftës së Sarajevës) me datën 21 dhe 30 mars organizon shfaqjen “Jedvanosimsoboakalomistobo”, autorë të tekstit janë Nejra Babiq dhe Allesh Kurt, nën regjinë e Allesh Kurt.

Në postimin e tyre ata cekin se të gjitha të ardhurat e mbledhura do ti dedikohen përkrahjes së akcionit humanitar e njëkohësisht aty promovojnë edhe linkun https://www.gofundme.com/perbekimin ku të gjithë mund të vazhdojnë me kontributet e tyre.

“Jedvanosimsoboakalomistobo” është një komedi sociale dhe paraqet një ndërthurje në mes të së kaluarës dhe përditshmërisë.

“Teatri duhet të jetë i angazhuar dhe të trajtojë problemet shoqërore që neve na pengojnë jetesën. Është bërë për të nxitur njerëzit të bëjnë vepra të mira. Ti zbavisim dhe t’u përcjellim një porosi. Nëse kjo është ende e mundur” ka thënë Allesh Kurt.

Në shfaqje luajnë: Maja Salkiq, Mirela Lambiq, Ana Mia Miliq, Alban Ukaj, Sead Pandur, Jasenko Pashiq, Adnan Kreso, Davor Sabo, Sasha Krmpotiq dhe Lejla Causheviq.

Dramaturge janë : Dubravka Zrnciq-Kulenoviq dhe Nejra Babiq.

Kostumografe është Melisa Musiq Ajkuniq ndërsa skenograf Vedran Hrustanoviq. Muzika e shfaqjes është punuar nga: Damir Nevesinjac dhe Basheskia. Shfaqja është realizuar në kuadër të projektit “Valixheja për kujtime”, përkrahur nga Qeveria Zvicerane.

Të ngjajshme