Teksti i Ismail Kadaresë, nga data 13 mars në Francë

9 Mars, 2018 - 10:19 am

Nga data 13 e deri me 18 mars, Théâtre le Colombiers në Francë do të mirëpresë një tekst shqiptar.

Adaptuar nga romani i Ismail Kadaresë – ‘Ura me tri harqe’, dhe përkthyer nga Jusuf Vrioni, nën interpretimin e Arben Bajraktarajt, Rexhep Mitrovicës dhe Cinzia Menga do të jepet shfaqja “Le Pont”.

Tre personazhe që së bashku marrin pjesë në një mit për të bashkuar historiken, legjendaren dhe universalen. Një urë është gati të ndërtohet, por gjithmonë sabotohet puna e saj, dhe fshati futet në keqkuptim, në fascionim dhe frikë. Një botë e burrave që janë të obsesionuar me vdekjen, shfaqja është një përrallë moderne ku interesat politike lidhen me Ballkanin.

Regjia e shfaqjes është realizuar nga Simon Pitaqaj ndërsa për muzikën është përkujdesur kompozitori dhe muzikanti Liburn Jupolli.

Premiera e shfaqjes vjen me 13 mars në “Theatre “Le Colombier” – 20 rue Marie – Anne Colombier, 93170 Bagnolet.

“Le Pont” është dhënë edhe në vitin 2015-të, shkruan KultPlus.

Romani – ‘Ura me tri harqe’ është konsideruar si një reagim shqiptar ndaj fituesit serb të Çmimit Nobel – Na Drini ćuprija, të Ivo Andriqit.
‘Ura me tri harqe’ është botuar për herë të parë më 1978 në Tiranë. / KultPlus.com

Të ngjajshme