Çfarë tha kancelarja Merkel ditën e vdekjes së presidentit Rugova?

21 Janar, 2019 - 7:00 pm

Në ditën e ndërrimit të jetës së presidentit të Kosovës, Ibrahim Rugova, 21 janar 2006, detyrën e kancelarit gjerman e ushtronte prej atëherë Angela Merkel. Kjo e fundit bëri një deklaratë për shtyp, ku krahas ngushëllimit shprehej se ishte e “shokuar” dhe e “hutuar” nga marrja e lajmit.

Nën udhëheqjen e tij “Kosova ka bërë hapa përpara drejt konsolidimit si vend demokratik, shtet të së drejtës, duke zhvilluar edhe ekonominë e tregut”, thoshte mes tjerash Merkel në Berlin gjatë 21 janarit. Principet e tij për demokraci dhe paqe “duhet të jenë pasqyrë për secilin që merr përgjegjësite e politikës në Kosovë.”

Gjatë kurimit të sëmundjes vdekjeprurëse, Ibrahim Rugova qëndroi disa kohë në spitalet gjermane.

Ndryshe, Kancelarja Merkel, është kundër të ashtuquajturit “Korrigjim i kufijve” me Serbinë përkatësisht kundër ndarjes së Kosovës, ashtu siç ishte kundër kësaj ideje edhe Presidenti historik dr. Ibrahim Rugova. “Korrigjimi i kufijve” është hedhur si ide nga presidenti aktual i Kosovës, Hashim Thaçi, ndërsa është kundërshtuar nga Gjermania dhe vendet e tjera mike të Kosovës./BS

Të ngjajshme