Civita Dhe Muzeu Etnik Arbëresh në fokusin e televizionit italian

20 Shkurt, 2021 - 8:56 pm

Kanali televiziv “Rai Calabria” i ka kushtuar një kronikë të zgjeruar informative komunës arbëreshe Civita dhe Muzeut Etnik Arbëresh, të ndërtuar aty nën kujdesin e shoqatës kulturore “1 Placco”, dhe dy nga prej drejtuesve të tij Demetrio dhe Stefania Emmanuele, të cilët drejtojnë edhe revistën historike “Katundi ynë”.

Gjatë rrëfimit të saj për pasurinë e paçmuar arbëreshe të zonës ku ka lindur dhe është rritur Stefania, flet edhe për bukuritë fizike të kësaj zone turistike, si dhe planet për projektet e reja.

Ajo shpjegon për dëgjuesit italianë se në Civita ashtu si edhe në pjesën më të madhe të katundeve arbëreshe, jeta komunitare ka patur rëndësi të madhe e ndaj ndër ta u zhvilluan gjitonitë, si forma qendrimit së bashku, të shkëmbimit të bisedave, por edhe të ndihmës së ndërsjelltë.

Në fokus të projekteve të shoqatës ku bën pjesë është edhe rigjallërimi si dikur i shesheve të komunave arbëreshe dhe i gjitonive në lagjeve të gurta.

Në pjesën e dytë të kronikës së transmetuar në edicionin informativ TGCal24, foli edhe babai i Stefania, drejtuesi për 50 vite i revistës më të njohur e më jetëgjatë arbëreshe “Katundi Ynë”, Demetrio Emmanuele, i cili shpjegoi detajet që lidheshin me rëndësinë dhe jetëgjatësinë e kësaj reviste. /dp/

Të ngjajshme