Në përvjetorin e eksodit të Bllacës, në prill të këtij viti, ishte vendosur gur-themeli i muzeut të gjenocidit serb “Bllaca 99”. Gjithçka do të niste me idenë e trenit.

Shumë qytetarë morën pjesë në këtë inaugurim, duke iu bashkëngjitur rrugëtimit me tren, por kësaj radhe me dëshirë.

Treni tashmë nuk është në gjendjen siç u inaugurua. Ai është dëmtuar nga qytetarët e pandërgjegjshëm.

Treni “Bllaca 99” u vendos për të kujtuar ikjen masive të shqiptarëve pas përndjekjes nga forcat serbe.

Kujtojmë se treni është vendosur me datën 11 prill, në 20 vjetorin e eksodit të Bllacës, e në kujtim të kësaj ngjarjeje, ishte hapur edhe një ekspozitë e cila ilustronte përjetimet e shqiptarëve.

Ka pasur disa reagime se pse treni që është simbolikë e sulmeve që Serbia i ka kryer në Kosovë nuk mund të ruhet ashtu siç i ka hije.