займ на карту онлайн потребительский кредит

Donald Tusk, në Beograd përmend Nikola Teslën dhe historinë e Serbisë

26 Prill, 2018 - 7:30 pm

Presidenti i Këshillit Evropian – Donald Tusk, gjatë ditës së djeshme e ka vizituar Beogradin, ndërsa sot po qëndron në Kosovë.

Ia vlen të analizohet pak fjalimi i tij në Beograd, ku ai ka përmendur edhe kulturën dhe sportin në mes të këtij fjalimi dhe me nota të mira ka folur për të parët e Serbisë.

“Në politikë, ju jeni aq kreativ sa Nikola Tesla ishte në shkencë dhe Novak Djokovic ishte në tenis, duke shtuar këtu edhe vallëzimin kolo” ka thënë në këtë fjalim Tusk.

“Ju e keni dëshmuar disa herë në histori se jeni të fuqishëm, kokëfortë dhe të pavarur. Jemi ju të vetmit ata që e shkruani fatin tuaj. Sot është e qartë se e ardhmja e Serbisë nuk do të vendoset as nga Moska as nga Uashingtoni” ka thënë mes tjerash në këtë fjalim Donald Tusk.

“Dua të konkludoj duke e cituar një shkrimtar të njohur, Borislav Pekic, i cili ia kushtoi jetën vlerave demokratike dhe i cili para 30 vitesh e shkroi një tekst me titullin “Dëshira për Evropë” ku tha – “Do të doja që historia e Serbisë të jetë edhe e ardhmja e saj, jo vetëm kujtesa patrotike” – Është koha tani të punojmë së bashku për një Evropë më të bashkuar” ka vazhduar në fjalimin e tij Tusk. / KultPlus.com

Të ngjajshme