Filigrani i Kosovës promovohet në Londër

27 Qershor, 2018 - 1:30 pm

Ambasadori i Kosovës në Londër, Lirim Greiçevci ka mirëpritur humanisten Elizabeth Gowing, e cila i ka kushtuar një libër të tërë filigranit për ta promovuar pikërisht këtë zeje të vjetër dhe shumë të veçantë, shkruan KultPlus.

“Kënaqësi ta kemi mysafire në ambasadë, humanisten Elizabeth Gowing, për ta promovuar filigranin e Kosovës, një zeje e vjetër dhe shumë e veçantë në Kosovë. Elizabeth i ka kushtuar një libër të tërë kësaj zeje të rrallë”, ka shkruar ai.

Tutje ai ka treguar se është krenar që po mbështet plasimin e produkteve kosovare në këtë rast filigranit në Britani të Madhe.

“Jam krenar që ndihmuam në nisjen e fushatës humanitare për mbledhjen e fondeve për ta mbështetur plasimin e produkteve të bukura të filigranit të Kosovës në Britani të Madhe dhe në vende të tjera, përmes shoqatave të grave shqiptare në Janjevë si dhe atyre rome, ashkali, egjiptiane në Fushë Kosovë”, ka shkruar ai.

Ambasadori Lirim Greiçevci ka njoftuar se të gjitha të hyrat do t’iu shkojnë këtyre grave duke theksuar se ky është një projekt që ai e përkrah pa rezervë sepse përmes tij promovohet Kosova dhe produktet e saj jashtë vendit.

Të gjithë ata që duan të kontribuojnë online, këtë mund ta bëjnë në linkun më poshtë. / KultPlus.com

https://www.kickstarter.com/projects/465131942/silver-threads-in-kosovo/

Të ngjajshme