Gjërat e astronautit Armstrong shiten për 7.5 milionë dollarë

5 Nëntor, 2018 - 11:00 am

Gjërat personale të astronautit të njohur Neil Armstrong, njeriu i parë që shkeli në Hënë, u shitën në një ankand për 7.5 milionë dollarë.

Shtëpia e ankandit Heritage në Dallas njoftoi se me çmimin më të lartë prej 468,000 dollarësh, u shit shenja e identifikimit të Armstrongut nga moduli hënor Apolo 11.

Një pjesë e helikës dhe një pjesë e krahut të aeroplanit të vëllezërve Wright u shit për 275,000 dollarë, raporton AP, transmeton kd.

Veshja e Armstrongut që barti në misionin e vitit 1966 u shit për 109.375 dollarë.

Përveç kësaj, në një ankand të veçantë, helmeta e artë e John Glennit, amerikani i parë që fluturoi jashtë Tokës, u shit për 46,250 dollarë./ KultPlus.com

Të ngjajshme