Intervistë e rrallë e Faik Konicës, dhënë në vitin 1939 për radion amerikane NBC

7 Prill, 2019 - 8:00 pm

Kjo është intervista e pa publikuar ndonjëherë e Faik Konicës, ministrit të plotfuqishëm të Shqipërisë në Uashington, dhënë radios amerikane NBC më 8 prill 1939, një ditë pas pushtimit të Shqipërisë nga Italia, shkruan KultPlus.

Pushtimi italian ishte një goditje e rëndë për ministrin Konica dhe për të tjerët që i besuan miqësisë së shtirur të Benito Musolinit. Në intervistë, Konica e quan agresionin e Italisë kundër Shqipërisë së pambrojtur “një thikë pas shpine”.

Në njërën nga pyetjet e parashturara nga i intervistuesi Hilmar Baukhage, se italianet i kishin marrë të gjitha krahinat dhe se ku do të jetë qeveria e Konicës. Ai i ishte përgjigjur se edhe po ta dinte nuk do të tregonte sepse sipas tij qeverinë nuk e bëjnë ndërtesat dhe se qeveria mund të shkatërrohet aq sa shkatërrohet shpirti i popullit të tij.

“Ne e ruajtëm pavarësinë për 2 mijë vjet kur vendet e huaja që sot s’u ka mbetur nishani, sunduan mbi ne ose të paktën kështu mendonin”, kishte thënë Konica për radion NBC.

Ai tutje kishte thënë se marrëdhëniet mes Italisë dhe Shqipërisë kishin qenë shumë miqësore në të gjitha fushat, madje studentët shqiptar për 20 vite më radhë kishin studiuar në Itali dhe se udhëheqësit italian i kishin thënë popullit të tyre se Shqipëri është mike, mirëpo sipas tij ajo papritur deklaroi se Shqipëria dhe shqiptarët janë armiq të tyre.

Intervistuesi Hilmar Baukhage, ishte komentator i njohur i asaj kohe. Disa orë përpara bisedës në radio, Baukhage e kishte vizituar Konicën në apartamentin e tij në Hotelin Mayflower të Uashingtonit, duke shprehur habi për librat e shumtë që rrethonin ministrin e Shqipërisë.

Ky është i vetmi zë i Konicës që njihet deri më sot. Kjo  intervistën është bërë publike nga Ilir Ikonomi me lejen e radios NBC në Nju Jork./ KultPlus.com

Të fundit

Të ngjajshme