займ на карту онлайн потребительский кредит

“Java artistike studentore” vjen me edicionin e dytë

10 Qershor, 2019 - 12:30 pm

Në kuadër të Universitetit “Haxhi Zeka” në Pejë, Fakulteti i Arteve organizon edicionin e dytë, “Java artistike studentore” 2019.

Për këtë edicion, është përgatitur një program i larmishëm, ku për gjatë tri netëve të këtij aktiviteti, do të prezantohet, puna dhe suksesi i studentëve në Fakultetin e Arteve në Pejë. Edicioni i dytë do mbahet më datë 10, 11 dhe 12 qershor, duke filluar nga ora 19:00, ku do të shfaqen programe madhështore, me koncerte të ndryshme dhe filma artistik. Njëkohësisht, ky program artistik, do t’i dedikohet edhe festës së Lirisë, pra – Ditës së Çlirimit të Pejës.

“Të gjithë ne pa dallim, u jemi mirënjohës të gjithë atyre, që nuk kursyen asgjë, duke dhënë edhe me të shenjtën e tyre, që këto ditë të bekuara, së bashku t’i festojmë dhe jetojmë. Më anë të këtij aktiviteti, Fakulteti i Arteve, ka për qellim që qytetarëve të Komunës së Pejës, t’ua prezantojë veprimtarin artistike të studentëve të këtij fakulteti. Ky aktivitet artistik e kulturor, tashmë do të jetë i përvitshëm dhe në kuadër të saj, do të ndahen edhe mirënjohje për personalitete dhe figura të njohura të Artit në përgjithësi, të cilët kanë kontribuar dhe vazhdojnë të kontribuojnë, në jetën kulturore dhe artistikë të Republikës së Kosovës.”, thuhet në njoftim. / KultPlus.com

Të ngjajshme