Komuna e Prishtinës bashkëpunim kulturor me Ambasadën e Republikës Federale të Gjermanisë në Prishtinë

25 Korrik, 2017 - 9:28 am

Bashkëpunimi kulturor me Ambasadën e Republikës Federale të Gjermanisë në Prishtinë ishte temë boshte e takimit të sotëm ndërmjet Besart Vllahinjës, drejtor i Drejtorisë së Kulturës në Komunën e Prishtinës dhe Marten Menger, Sekretar i Parë në Ambasadë.

“Ndërmjet tjerash, nga ana jonë u shtrua edhe dimensioni i thellimit të bashkëpunimit ndërmjet institucioneve tona në interes të publikut. Në këtë kuptim, u prezantua iniciativa jonë për hartimin e strategjisë për ndërtimin dhe ngritjen e qëndrueshmërisë financiare të Institucioneve Publike dhe atyre të Pavarura të cilat zhvillojnë aktivitetin e tyre në Komunën e Prishtinës”, ka thënë Vllahinja, duke treguar tutje se nga partnerët synohet që të ofrohet mbështetje konkrete me modele të suksesshme të cilat janë komplementare me strategjinë në fjalë si dhe afirmimi i ekspertizës nga ekspertë gjermanë për strategjinë.
Takimi u pasurua edhe me planet për organizimet e tjera të përbashkëta kulturore në kryeqytet, përfshirë këtu edhe shënimin e 10 vjetorit të ndërtimit të marrëdhënieve diplomatike ndërmjet vendeve tona. / KultPlus.com

Të ngjajshme