Me 20 shkurt të vitit 1991, busti i Enver Hoxhës në Shqipëri u rrëzua përtokë.

Për shumë ditë dhe kohë më pas, rruga afër do të mbetej e shkatërruar, ndërsa imazhi i tillë vinte si mesazh për shumë shqiptarë.

Tek busti, në njërën anë të tij, shkruhet “Rroftë Xh.Bush” – Long live G.Bush.
Rrëzimi i bustit të Enver Hoxhës në 20 shkurt 1991 është padyshim një ndër ngjarjet më të spikatura që ndikuan në rënien totale të regjimit komunist në Shqipëri.

Rrëzimi i bustit ndodhi në një situatë të rënduar politike në vend. Kishte vetëm dy muaj që ishte themeluar Partia Demokratike dhe ishte shpallur dita e zgjedhjeve të para pluraliste në Shqipëri në 31 mars 1991.

Pamjet e mijëra qytetarëve të cilët me brohoritma hodhën në tokë bustin e diktatorit Hoxha bën xhiron në mediet e huaja, duke sjellë në fokus zhvillimet që po ndodhnin në Shqipëri.

20 shkurti është caktuar si dita e kujtesës kombëtare për viktimat e regjimit komunist. / KultPlus.com