Laguna e Kunes një destinacion qetësie për fundjavë

23 Shtator, 2017 - 9:00 am

Jo më larg se 50 km nga Tirana, laguna e Kunes, ky habitat natyror i faunës së egër, është një vend ku mbretëron qetësia dhe për fundjava frekuentohet nga mjaft vizitorë.

Laguna e Kunes është cilësuar si “Ontologjia e Mesdheut”. Laguna është ‘shtëpi’ për 227 specie bimësh, 17 lloje molusqesh, 10 lloje amfibësh, 24 lloje zvarranikësh dhe disalloje peshqish si qefull, levrek, koca e ngjala.

Bota e shpendëve, veçanërisht e pasur, numëron 196 lloje shpendësh migratorë dhe të përhershëm.
Edhe bota e gjitarëve nuk mbetet pas me specie si lepuri, dhelpra, ujku, derri i egër dhe kuaj të lindur dhe rritur në natyrë.

Rruga Shëngjin-Kune e rindërtuar e bënë lehtësisht të aksesueshme këtë pasuri natyrore, që është një mundësi për të eksploruar natyrën, për të vëzhguar shpendët migratorë që fillojnë e kthehen në lagunë si dhe për të shijuar gatimet tradicionale të zonës./ KultPlus.com

Të fundit

Të ngjajshme