LDK bojkoton ceremoninë e varrimit të Adem Demaçit

28 Korrik, 2018 - 1:07 pm

Zyrtarët e lartë të Lidhjes Demokratike të Kosovës, nuk kanë treguar pse ky subjekt politik ka bojkotuar ceremoninë komemorative dhe ceremoninë e varrimit të veprimtarit të cështjes kombëtare Adem Demaçit.

Gazeta Insajderi ka kontaktuar nënkryetarin e kësaj partie, Agim Veliu i cili nuk ka dashur fare ta komentoj mospjesëmarrjen e zyrtarëve të kësaj partie në ceremoni.

Ai shkurt tha “Nuk dua të komentoj fare këtë gjë”.

Por nga ana tjetër disa deputet të LDK-së kanë filluar shpërndarjen e fotografive të presidentit të ndjerë Ibrahim Rugova nëpër profilet e tyre në Facebook.

Pas deputetit Rugova dhe postimit të tij të çuditshëm, deputetja Doruntina Maloku ka publikon fotografinë e Rugovës me babin e saj veprimtarin Enver Maloku, shkruan Insajderi.

Kurse dje gjatë ditës zyrtari, Besim Hoti ka ofenduar rëndë të ndjerin Demaçi duke e quajtur monstrum dhe përqarës, postimin e tij e ka pëlqyer Naser Rugova. Kurse deputeti Armend Zemaj i shkruan “Respekt Besim shoqi”.

Të ngjajshme