Magjia e folklorit dhe valleve evropiane vjen në Vlorë

11 Maj, 2018 - 6:11 pm

Qyteti i Vlorës mirëpret edicionin e 10 -të “Aulona Inter Folk Festival”, i cili do të nis një festë tre ditore nga 12 maj deri më 14 maj.

Festivali do të zhvillohet në sheshin ”Lungomare”, Skelë dhe do të përfundojë me hapjen e sezonit turistik të vitit 2018.

Për tre mbrëmje qyteti i Vlorës do të jetë nën ritmin e traditës kulturore, me këngë dhe valle popullore nga vende si Shqipëria, Bullgaria, Italia, Letonia, Greqia, Sllovakia, Kina, Kosova.

Ky festival është një manifestim i jashtëzakonshëm i folkut europian dhe botëror dhe një promovim fantastik i sezonit turistik në qytetin bregdetar.

Festivali organizohet nga Qendra Kulturore “Aulona” në Vlorë, me mbështetjen kryesore të Këshillit Bashkiak të Vlorës dhe Ministrisë së Kulturës. / KultPlus.com

Të ngjajshme