Ministri Çeku: Duke mos i kthyer eksponatet në vendin e origjinës, Serbia po shkel konventat e UNESCO-s

14 Tetor, 2022 - 6:52 pm

1247 eksponate të koleksionit të muzeut publik të Kosovës janë marrë nga Muzeu Kombëtar i Kosovës gjatë kohës së luftës (1998-99) nga Akademia e Shkencave të Serbisë. Por ministri Hajrulla Çeku thekson se Serbia po vazhdon të shkelë konventat e UNESCO-s, përcjell KultPlus.

Më poshtë gjeni postimin e tij të plotë:

Ishte pjesë e projektit gjenocidal të Serbisë kundër historisë dhe identitetit të shqiptarëve, krahas shkatërrimit të mbi 1000 vendeve trashëgimore.

Duke mos i kthyer eksponatet në vendin e tyre të origjinës, Serbia po shkel në mënyrë flagrante konventat e UNESCO-s, marrëveshjen origjinale dhe dokumentin e Ahtisaarit.

Ja disa nga thesaret e vjedhura arkeologjike dhe etnografike që i përkasin koleksionit publik të muzeut të Republikës së Kosovës.

(përshkrimet në mbishkrimet e fotove) / KultPlus.com

Të ngjajshme