E shtunë me datën 04  Maj 2019 duke filluar nga ora 10:00-17:00, në vendin e quajtur “TE KOSHAT” në Gërmi do të mbahet “Love PLus Streetball 2019” për herë të 10-të.

Misioni  i kësaj dite ka për qellim ngritjen e vetëdijes së të rinjve jashtë ambienteve shkollore për rëndësinë e kontraceptive me fokus prezervativin.

“Është e dëshmuar edhe nga hulumtimet e ndryshme nëpër botë se shpërndarja  e informatave përmes lojës dhe muzikës mbi mirëqenien shëndetësore ka ndikim në ndryshimin e sjelljeve tek te rinjtë”, thuhet në komunikatë.

Për të përmbushur misionin e sipërtheksuar, duke filluar nga ora 10:00, në njërin nga skajet e fushës do te ngrihet një tendë informuese ku të rinjtë kanë mundësi të informohen nga Peer Edukatoret e trajnuar të KOPF-it dhe të marrin fletëpalosje, broshura dhe materiale tjera promovuese për rreziqet e përhapjes së HIV/AIDS-it, Infeksioneve Seksualisht të Transmetueshme dhe shtatzënive e padëshirueshme. Gjatë gjithë kohës sa zhvillohen lojërat, rreth 100 Peer Edukator të KOPF-it do të diskutojnë në grupe të vogla më të rinjtë që janë si shikues lidhur me HIV/AIDS-in, IST dhe shtatzënitë e padëshirueshme.

Love Plus Streetball 2019, ka karakter garues dhe 30 ekipe nga qytete te ndryshme te Kosovës do te garojnë për vendin e pare. Fondi Kosovar për Popullsi –KOPF i përkrahur nga Fondi për Popullsi i Kombeve të Bashkuara -UNFPA, përmes Qeverisë së Luxemburgut për herë të dhjetë organizojnë aktivitetin tradicional “LOVE PLUS STREETBALL 2019”./KultPlus.com