“Nji Mar, Nji Mrapsht”, dyqani i cili puqet me idenë e South Outdoor Festival (FOTO)

28 Prill, 2018 - 8:09 pm

Sarandë Selimi

South Outdoor Festival, ka sjellë në fshatin Vuno përlotë befasi edhe këtë vit ashtu si vitin e kaluar. Kësisoj, edhe edicionin e dytë të këtij festival që për qëllim ka promovimin e turizmit, traditës e kulturës së Shqipërisë së Jugut, vijnë dyqani i artizanaleve “Nji Mar, Nji Mbrapsht”. Ky dyqan i cili ndodhet në Tiranë, ka mbledhur rreth vetës gjithsej 220 artizanalë që nga veriu që nisë me Prishtinën e deri tek jugu që përfundon me Gjirokastrën.

“Jemi i pari koncept store në qytet sepse bashkojmë punimet e 220 artizanëve nga e gjithë Shqipëria. Më në veri që na vijnë punimet është Prishtina e deri në jug që për momentin është Gjirokastra. Secili nga artizanët tanë kanë një materialë, një teknikë, një lloj punimi që sjellë, kështu që ka 220 lloje të ndryshme punimesh që gjenden në dyqanin tonë”, ka thënë fillimisht për KultPlus, Anisa Lloja nga “Nji Mar, Nji Mrapsht”.

Ky është viti i dytë që ky dyqan vjen në South Outdoor Festival, ndërsa në lidhje me këtë fakt Anisa ka thënë që kanë shumë të përbashkëta.

“Kjo është hera e dytë që marrim pjesë në South Outdoor Festival. Kjo është një kënaqësi e madhe sepse po është qejf për ne të dalim jashtë dyqanit ku kësisoj po kemi mundësi të takohemi me njerëz të ndryshëm kështu që edhe puna po shpërndahet më shumë. Besoj që si filozofia e dyqanit tonë, ashtu është edhe filozofia e aktivitetit qëndrojnë shumë mirë bashkë. Të dy palët kemi dashuri për vendin, traditën, natyrën dhe mjedisin kështu që në këto pika bashkohemi fortë dhe kështu bashkëpunimi shkon shumë mirë”, pohoi Lloja, duke vazhduar të tregoi se me këtë shtang që kanë sjellë në Vuno, poashtu kanë nisë të punojnë edhe gjëra që kanë lidhje me këtë fshat.

“Ne me këtë rast kemi realizuar punime pikërisht për Vunon dhe kjo është e bukura e gjithë kësaj. Kjo është një zonë që frekuentohet shumë por Vuno njihet pak, besoj që vlera e këtij festivali dallohet nga numri i njerëzve që vijnë”, u shpreh ajo

Krejt në fund, Anisa Lloja tregoi që pas katër vitesh me një pikë në Tiranë “Nji Mar, Nji Mrapsht kanë nisë të bëhen gati të hapin pikën e dytë të këtij dyqani.

“Po bëhemi gati të hapim pikën e dytë, ku do të ketë hapësirë më të madhe dhe kësisoj do të krijojmë edhe punëtori me fëmijë dhe të rritur për të vazhduar këtë traditë”, përfundoi ajo për KultPlus.

South Outdoor Festival, ka nisë dje ditën e premte në Vuno të Himarës. Ky festival po sjellë një ndër fshatrat më të bukura të jugut të Shqipërisë, për të cilin shumë pak njerëz kanë dëgjuar./ KultPlus.com

Të fundit

Të ngjajshme