Pamje mahnitëse: Ndriçohet emri i Fadil Vokrrit në stadiumin e Prishtinës (VIDEO)

23 Korrik, 2018 - 10:06 pm

Pikërisht sot kur Vokrri do të festonte ditëlindjen e 58-të, në nderim të kësaj date, stadiumi në Prishtinë merr pamje të re, duke u vendosur emri i Vokrrit.

Emri i legjendës së futbollit kosovar, Fadil Vokrri tashmë është ndriçuar në stadiumin e Prishtinës.

Të pranishëm në këtë ceremoni ishte edhe kryetari i FFK-së Agim Ademi si dhe djali i Fadil Vokrrit.

Kujtojmë se shkronjat me emrin e legjendës u vendosën sot në stadium.

Vokrri u nda nga jeta pas një sulmi në zemër por pas vetës la vepra të mëdha, të cilat do të flasin përgjithmonë në sportin e Kosovës dhe jashtë kufijve të saj.

Stadiumit, që tashmë quhet “Fadil Vokrri”, i është nënshtruar rikonstruksionit të plotë dhe pritet të licencohet nga UEFA për ndeshjet ndërkombëtare./KultPlus.com

Të fundit

Të ngjajshme