займ на карту онлайн потребительский кредит

Serri e Brathu vizitë në Këshillin e Kosovës për Trashëgimi Kulturore

Gusht 9, 2018 - 5:17 pm

Me kërkesë të udhëheqësit ekzekutiv të Këshillit të Kosovës për Trashëgimi Kulturore, Isuf Koci, sot u zhvillua takim zyrtar me Riccardo Serri, ushtrues detyre i udhëheqësit të Zyrës së BE-së, i Seksionit Politik, Ekonomik dhe Integrimit në BE, si dhe ndaras edhe me shefin e ambasadorin e OSBE-së në Prishtinë, Jan Brathu.

Sipas njoftimit për media nga KKTK-ja, Serri u njoftua për rolin dhe mandatin e Këshillit të Kosovës për Trashëgimi Kulturore , sfidat që është duke kaluar trashëgimia kulturore e Kosovës si pasojat e mos respektimit të ligjeve të trashëgimisë kulturore në Republikën e Kosovës, si dhe mundësin e bashkëpunimit në të ardhmen.
“Në këtë takim Koci, njoftoi Serri për rekomandimet drejtuar Ministrisës së Administratës Publike për reformat në administratën shtetërore dhe të agjencive të pavarura. Serri, shprehu përkushtimin e BE-së për të përkrahur Këshillin e Kosovës për Trashëgimi Kulturore si institucion mjaft i rëndësishëm për trashëgimin kulturore në Republikën e Kosovë”, thuhet në njoftim.

Sipas po të njëjtit njoftim, në takimin e Kocit me Brathun, u bisedua për mundësinë e bashkëpunimit për çështje të që lidhen më zonat e veçanta të mbrojtura të trashëgimisë kulturore dhe mos respektimin e ligjeve të trashëgimisë kulturore në Republikën e Kosovës.

Edhe Brathu u njoftua për sfidat që është duke kaluar trashëgimia kulturore e Kosovës si dhe reformat në administratën shtetërore dhe të agjencive të pavarura./KultPlus.com

Të ngjajshme