Xhaketa e zezë e lëkurës e veshur nga mbreti i ndjerë i muzikës pop, Michael Jackson, të cilin e kishte veshur në turneun e parë solo “Bed”, është shitur për 298 mijë dollarë.

Siç raporton Reuters, çmimi ishte rreth tre herë më i lartë se çmimi i parë që ishte propozuar, e që ishte 100 mijë dollarë, transmeton Koha.net.

Xhaketa u shit nga biznesmeni i Teksasit dhe filantropisti Milton Verret, së bashku me gati 100 gjëra të tjera nga koleksioni i tij i madh i rock’n rollit.

Këngëtari xhaketën, në shpinën e së cilës gjendet nënshkrimi i tij i përhershëm, e kishte veshur nëpër koncerte të ndryshme përgjatë viteve 1987 deri 1989,

Një pjesë e të ardhurave në ankand do të shkojnë për bamirësi nga “MusicCares” të organizatorëve të çmimit Grammy, Akademisë së Regjistrimit, e cila po ashtu ofron shërbime shëndetësore dhe shërbime të tjera për muzikantët./ KultPlus.com