займ на карту онлайн потребительский кредит

Shpallet i hapur Festivali Green 2017 në Mitrovicë

Korrik 25, 2017 - 9:03 am

Organizata 7Arte për të shtatën herë me rradhë organizon Festivalin “GREEN”, me çrast përgjatë kësaj jave, në lokacione të ndryshme të Mitrovicës do të organizojë aktivitete të ndryshme social-kulturore.

Festivali GREEN synon të ngrisë vetëdijen dhe të sensibilizojë opinionin kosovar për përkujdesje më të madhe ndaj mjedisit si dhe të krijojë një ambient sa më të relaksuar për të gjithë qytetarët e rajonit.
Agjenda e programit:
Këtij manifestimi kulturor i paraprijnë aktivitete të shumta socialo-kulturore e mjedisore, si:
• Me 23 Korrik 2017, organizata 7Arte dhe GAIA do të ndërmarrin një aksion ambientalist dhe artistik në liqenin artificial të Mitrovicës.
• Nga data 24-27 Korrik do të organizohen katër sallone diskutimi nën temat e Zhvillimit të Qëndrueshëm.
• Po ashtu, në sheshin “Isa Boletini” do të organizohet Panairi i Gjelbër dhe Artezanaleve, ku biznese të vogla e të mesme, organizata e iniciativa familjare nga të gjitha komunitetet nga Mitrovica Veriore dhe Jugore do të promovojnë produktet dhe krijimtarinë e tyre.
• Me 25-27 Korrik, në orët e mbrëmjes në foajenë e Muzeut të Qytetit – Mitrovicë Jugore, për tre net me rradhë do të shfaqen filma artistik, dokumentar dhe animacion, si dhe në lokalin SOHO – Mitrovicë Veriore.
• Nga data 28-30 Korrik, Festivali GREEN do të vazhdojë me performanca muzikore, me ç’rast artistë të zhanreve të ndryshme do të performojë në dy skena, atë në sheshin e qytetit me muzikë nga zhanri hip-hop, rok dhe xhaz, si dhe në skenën tek Liqeni i Ibrit, do të performohet muzikë elektronike nga DJ të ndryshëm nga Kosova. Në këtë hapësirë do të organizohet edhe Kampi i Gjelbër për akomodim i cili do organizohet nga Shoqata e Bjeshkatarëve të Mitrovicës, si dhe do të përbyllet me shfaqje të filmave animacion nën përkujdesjen e partnerëve nga Anibar.
Festivali GREEN realizohet nga “7Arte” dhe LITWO, ndërsa është mbështur nga: GIZ, Programi YES, Zyra e BE-së në Kosovë, Komuna e Mitrovicës, Ministria e Kulturës, Rinisë e Sportit, si dhe nga Ministria e Administrimit të Pushtetit Lokal. / KultPlus.com

Të ngjajshme