Shtëpia e veçantë në Dresden që krijon muzikë në shi

2 Shkurt, 2018 - 1:00 pm

E zhvendosur në rrethin studentor të Dresdenit është një shtëpi që duket sikur krijon muzikë në shi, kjo për shkak të arkitekturës së saj të veçantë, përcjellë KultPlus.

Kjo shtëpi është pjesë e një kompleksi të quajtur Kunsthofpassage Neustadt dhe përbehet prej pesë oborreve ku secili përfshin një temë të ndryshme. Ka oborrin e dritës dhe oborrin e kafshëve, dhe natyrisht oborrin e muzikës.

Shtëpia e këndimit është vepër e skulptorit Annette Paul dhe disenjatorëve Christoph Roßner dhe André Tempel, të cilët të gjithë jetojnë në këtë ndërtesë. Annette thotë se ajo ishte frymëzuar nga jetesa në Shën Petersburg, Rusi, ku moti i keq do të krijonte një ‘teatër shiu’ në dritaret e shtëpisë së saj.
Me këtë në mendje, ajo dhe bashkëqytetarët e saj projektuan rrjetin e ndërlikuar të tubave, gypave dhe kanaleve me akustikë optimale për të përforcuar shiun. Që nga krijimi i saj në vitin 1999, kjo zhurmë e çuditshme në Gjermaninë Lindore ka tërhequr mjaft shumë turist. /KultPlus.com

Të fundit

Të ngjajshme