Si Sali Berisha dhe Fatos Nano u caktuan nga Ramizi me Nexhmijen

17 Shtator, 2017 - 10:25 am

Dje, në një aktivitet shkencor me rastin e 10 vjetorit të vdekjes së Atë Zef Pllumit, pas disa kumtesave mjaft interesante, u promovua edhe vepra e plotë e Atë Zef Pllumit. Mes librave të tij, ishte edhe “Siç thonim dje” ku, nga faqja 266 e saj jepet një tregim satirik ku tregohet si u krijua pluralizmi në Shqipëri.

Pasi Ramiz Alija u kthye nga Amerika, ai shkon e takon Nexhmie Hoxhën dhe i thotë:
[Ramizi]-Ndigio Nexhi, kur kjeçë atje, ata miqtë tanë më këshilluen mos me ndjekë Çausheskun, por me ba edhe na si gjermanët e Aoenackerit.

[Nexhmija]-Jo, ma mirë po bajmë si Kim Ir Seni i Koresë: po largohemi na e po ua lëshojmë djelmve tanë,… Si të duket? Po vem djalin tem të madhin e djalin tand, sepse atë të voglin e kam të pandigiushëm. Ka marrë për gru nje kaurreshë që nuk ma don kurrsesi hero Haxhi Qamilin… Si thue?

-Jo moj jo. A e din si asht puna: me vue dy djemtë tanë, na çohen kundra shoku Haxhi, Babë Myslymi e të gjithë shokët e tjerë që i kanë djemtë ma besnikë.

-Mirë e ke shoku Ramiz. Kam nji djalë aty në Institutin e Studimeve marksiste – leniniste që nuk e ka shokun; quhet Fatos e asht taman fatos i Enverit, e njof mirë se ai emnin e kishte Foto, por shoku Enver e njofti mirë e ia suell Fatos. Ai i redakton shkrimet Enverit e i ban aq të bukura, sikur i përket njaj klasiku të vërtetë. Mendoj se edhe Sekretar i Përgjithshëm i Partisë së Punës po t’emnohet e kryen me nder detyren.

-E njof, e njof mirë; tamam e ke gjetë. Ma mirë ta ngarkojmë atë si kryesor. Sa për të dytin, po ta gjejë vetë: asht nji djalë guximtar nga Tropoja. E kemi doktor të specializuem në Francë. Sali Berisha quhet.

-E njof, e njof edhe unë Salen se ishte në atë ekipin e mjekëve të Enverit. Por a të ndigjon se më kanë thanë se baba i nuses së tij ishte argat i UDB – së Jugosllave.

-Aq ma mirë, sepse kështu gjurmët tona nuk i dikton Europa, as Amerika.

-Hajt pra; futju sa ma parë e ta marrin vesht Europa, Amerika e tanë bota.(Shkruan Konica.al)./ KultPlus.com

Të ngjajshme