Skënderbeu mungon edhe në fotografitë zyrtare të Komunitetit Mysliman në Shqipëri

1 Shtator, 2017 - 3:41 pm

Mbulimi i shtatores të heroit kombëtar Skënderbeu në sheshin që mban emrin e tij në kryeqytetin e Tiranës, me rastin e faljes së Namazit të Kurban Bajramit, ka ngjallur shumë reagime në media dhe rrjete sociale duke e akuzuar Komunitetin Mysliman të Shqipërisë për këtë veprim.

Por teksa KMSH-ja nuk ka dalë me asnjë sqarim në lidhje me këtë veprim. Insajderi ka provuar ta kontaktojë kryetarin e Komunitetit Mysliman të Shqipërisë, Skender Bruçaj,por ai nuk ka pasur qasje në telefon.

E KMSh-ja në faqen e tyre zyrtare në internet kanë publikuar një seri fotografish nga falja e namazit në Sheshin “Skenderbej”.

Por edhe aty mungon Skënderbeu. Në asnjë nga fotografitë e publikuara nga KMSH-ja nuk shihet shtatorja e Skënderbeut, e dhe pse disa prej fotografive të publikuara janë realizuar me dron ku shihet e gjitha hapësira e zënë me besimtarë që kanë falur namazin.

Ja të gjitha fotografitë e publikuara nga KMSH-ja. / KultPlus.com



Të ngjajshme