Stadiumi “Fadil Vokrri” hapet me Medën

26 Korrik, 2018 - 9:26 pm

Më 23 korrik, ditën kur Fadil Vokrri do të festonte ditëlindjen e 58-të, në nderim të kësaj date, stadiumi në Prishtinë mori pamje të re, duke u vendosur emri i Vokrrit, shkruan KultPlus.

Ndërsa në mbrëmjen e po kësaj dite, emri i legjendës së futbollit kosovar, Fadil Vokrri u ndriçua duke i dhënë vendit një pamje mahnitëse.

Por, ditën e shtunë do të jetë ceremonia e hapjes së stadiumit.

Sipas një zyrtareje të Federatës së Futbollit të Kosovës, në ceremoninë hapëse do të luajnë edhe këngëtarët si Meda, Blero, Ermal Fejzullahu e të tjerë.

Stadiumit, që tashmë quhet “Fadil Vokrri”, i është nënshtruar rikonstruksionit të plotë dhe pritet të licencohet nga UEFA për ndeshjet ndërkombëtare./KultPlus.com

Të ngjajshme