‘Të Harruarit’, për të angazhuar më shumë të moshuarit në ‘Shtëpinë e Pleqve’

23 Nëntor, 2018 - 3:15 pm

Me 26 dhe 27 nëntor një aktivitet më ndryshe do të zërë vend në Prishtinë.

Punëtoria dhe ekspozita do të mbahen me datat 26 dhe 27 nëntor tek “Azili i pleqve” në Prishtinë duke filluar nga ora 13 deri ne ora 16.Ky aktivitet po bëhet për herë të parë dhe do të zgjasë dy ditë. Qëllimi i këtij projekti është të krijojmë mënyra te reja që edhe mosha e tretë të ketë mundësi të kalojnë kohën e tyre në mënyrë sa më produktive.

‘Mos të lejojmë që ne si individ, apo si shoqëri ti anashkalojmë personat e tillë. Kush më shumë nga këta persona e kanë të nevojshme të kenë një aktivitet apo një argëtim ne përditshmërinë e tyre që jo gjithmonë është e përmbushur’ shkruhet në konceptin e ngjarjes.

Aktiviteti do ketë fokus dhe shëndetin dhe mirëqenien e personave të azilit, ku do marrin këshilla nga spec. internistja – endokrinologjia.

Do japim disa leksione se çfarë është arti si punohet dhe do mundohemi se bashku te punojmë punime te ndryshme, gjithmonë duke pare dëshirën dhe vullnetin e tyre.

Aktiviteti do të zgjasë dy ditë, nga data 26 dhe me datën 27 do të keni mundësinë ta shihni ekspozitën e personave të azilit të pleqve duke filluar nga ora 14:00 ne sallën e azilit te pleqve ne Prishtine. / KultPlus.com

Të fundit

Të ngjajshme