Turqia ndalon të gjitha ngjarjet e komunitetit gay dhe lezbik në Ankara

19 Nëntor, 2017 - 3:48 pm

Zyrtarët turq kanë ndaluar të gjitha ngjarjet nga grupet e komunitetit LGBTI në kryeqytetin e vendit, Ankara.

Ndalimi hyri në fuqi të shtunën për një periudhë “të pacaktuar” dhe do të zbatohet për të gjitha shfaqjet e filmave LGBTI, teatro, panele dhe ekspozita.

Zyra e guvernatorit të Ankarasë njoftoi të dielën se ndalimi u bë për të mbrojtur “sigurinë publike”.

Ai tha se ngjarjet të tilla mund të shkaktojnë armiqësi mes grupeve të ndryshme dhe të rrezikojnë “shëndetin dhe moralin”, si dhe të drejtat dhe liritë e të tjerëve.

LGBT rights activists shout slogans as they try to gather for a pride parade, which was banned by the governorship, in central Istanbul, Turkey, July 2, 2017. REUTERS/Huseyin Aldemir – RC1B0F29FB80

Sipas zyrës së guvernatorit disa grupe mund të provokohen nga ngjarjet e komunitetit LGBTI dhe mund të ndërmarrin veprime kundër pjesëmarrësve për shkak të “ndjeshmërive shoqërore”.

Megjithëse homoseksualiteti nuk është i ndaluar në Turqi dhe shoqatat e shumta LGBTI regjistrohen ligjërisht në shtet, aktivistët e të drejtave të njeriut thonë se individët LGBTI përballen me diskriminim dhe stigmë. / KultPlus.com

Të ngjajshme