Ujëvara e Progonatit, destinacion turistik

4 Gusht, 2017 - 4:15 pm

Turistët që ngjiten në zonën malore të Tepelenës, kryesisht për në Nivicë dhe kanionet e saj, mund të vizitojnë edhe ujëvarën e Progonatit.

Ndodhet pak më në lindje të fshatit Progonat të rrethit të Tepelenës.

Në të rrjedhin ujerat e përroit të Gurrës së Progonatit. Banoret e quajnë “buza e ujit”.

Këtu përroi formon kanione dhe ka lartësi rreth 1000 m mbi nivelin e detit.

Ujëvara ka lartësi rreth 25 m. Në mesin e saj ka një prag të vogël, i cili e bën më të bukur rënien e shkumëzimin e ujit nga lartësia. Te pragu është formuar një urë e gurtë natyrore, e cila e ndan ujëvarën në dy pjesë.

Sektori i luginës poshtë saj përbën një kanion madhështor, disa qindra metra i thellë, me plot guva e shpella karstike ende te paeksploruara. Vlerat e ujëvarës janë të shumta, por mbi të gjitha turistike.

Një shoqatë mjedisore ka bërë sistemin e rrugës këmbësore për të zbritur tek ujëvara.

Ajo mund te vizitohet sipas rrugës automobilistike rurale Tepelene – Bënçë – Progonat. / KultPlus.com

Të ngjajshme