займ на карту онлайн потребительский кредит

Varri i Skënderbeut nuk ka mbishkrim, gjendet në derën e kishës së Shën Nikollës

25 Prill, 2018 - 4:30 pm

Nga Gjon Keka

Ashtu siç pushojnë idetë në brendësi, kështu pushojnë edhe misteret të cilat ne ende nuk i kemi zbuluar në kohën tonë. Disa mistere të cilat kanë lodhur mjaftë koka hulumtuese, mjaftë arkeolog etj, por që kanë mbet edhe në ditët tona ende të pa zbardhura, pra pa e prek efektin e rrezeve të dritës së diellit.

Disa njerëz vdesin dhe i mbulon dheu, por emri i shkruhet mbi dhe disa të tjerë vdesin dhe i mbulon misteri, ndërsa disa vdesin dhe i mbulon harresa. Varri i një heroi dhe lideri e strategu të madh siç është Gjergj Kastrioti është vend i pelegrinazhit të kombit arbëror evropian. Gjergj Kastriotin nuk e mbuloj harresa edhe pse ai ka vdekur 560 vjet më parë, ai mbetet ende i gjallë, gjurmët e tij flasin, varri i tij që ende nuk dihet se ku saktësisht është në Lezhë, por që brenda Kishës Shën Kollit e sigurt që ishte varrosur sipas të gjitha dokumenteve. Palmat e sotme lulëzojnë në memorialin, në varrin e këtij heroi të madh të Arbërisë dhe Evropës.

Sidoqoftë ka pas shkrime dhe teza mbi misterin e varrit të Gjergj Kastriotit, por ato nuk kanë sjell ndonjë risi, as ndonjë të vërtetë mbi këtë enigmë. Por rastësisht e gjeta këtë dëshmi të gazetës Salzburger Volksblatt të vitit 1942 ku shkruan pikërisht për vendin se ku gjendet varri i Gjergj Kastriotit.

Në këtë gazetë shkruan kështu:

“Siç raportohet nga Tirana, së shpejti do të bëhet një kërkim i varrit të heroit kombëtar shqiptar Skënderbeu, i cili vdiq në vitin 1468 në Lezhë dhe u varros në kishën kryesore lokale. Guri i varrit në atë kohë nuk ishte gdhendur për të parandaluar shkatërrimin ose përdhosjen e vendvarrimit të tij nga armiqtë e shumtë. Kërkimet do të kryhen në bazë të një raporti të rastit nga një emisar i Mbretit të Napolit, i cili ishte atëherë në Shqipëri. Kështu sipas tij varri i Skënderbeut nuk ka mbishkrim dhe gjendet në derën e kishës kryesore të Shën Nikollës”./ KultPlus.com

Të ngjajshme