Arianit Koci në Hagë, zbavitë holandezët me piano (VIDEO)

17 Janar, 2019 - 1:00 pm

Avokati Arianit Koci është akredituar nga Gjykata Speciale për të mbrojtur të akuzuarit që do të ndiqen nga kjo gjykatë.

Ai tashmë gjendet atje, për të kryer punën e tij si mbrojtës i të akuzuarve, ku ditën e djeshme Koci ishte bashkë me ish-komandantin e UÇK-së, Sami Lushtakun i cili u intervistua në Gjykatën Speciale në Hagë. Por, përveç punës si avokat, Arianit Koci po e shfrytëzon kohën edhe për pak argëtim për vete dhe qytetarët atje.

Koci ka postuar në llogarinë e tij sociale Facebook një video ku shihet duke ekzekutuar në piano në një vend publik. Mbi videon e publikuar ai shkruan: Duke e zbavitur popullin mik holandez. Pas pak, vazhdojmë me punë…

Koci në fëmijërinë e tij është njohur edhe si këngëtar ku ka marrë pjesë në festivalin “Akordet e Kosovës për fëmijë” në vitin 1972 me këngën “Nëna ime”. /KultPlus.com

Të ngjajshme