займ на карту онлайн потребительский кредит

Elina Duni vjen me “Këngë të dashurisë dhe mërgimit” në Anibar

7 Gusht, 2018 - 3:24 pm

Jazz kompozitorja shqiptaro-zvicerane, Elina Duni vjen me performancë në Anibar, shkruan KultPlus.

Me tingujt e saj unik të gërshëtimit te tradicionales dhe jazzit, këngëtarja shqiptare me famë ndërkombëtare, më 16 gusht do ngjallë pjesën dëfryese të festivalit Anibar.

Elina Duni që nga viti 2012 ka nënshkruar kontratë me ECM Records. Ajo pa dyshim është një prej artisteve të rralla krijuese dhe interpretuese.

Kombinimi i këngëve tradicionale folklorike shqiptare me jazzin ka zgjuar kurreshtje dhe duartrokitje, tek njohësit e muzikës. Për këtë projekt, Elina Dunit do t’i bashkangjitet gitaristi Rob Luft, i vlerësuar si një prej yjeve në ngritje të skenës bashkëkohore të Jazzit Londinez.

Performansa e Luft përmban oshëtime të Afrikes Perëndimore, folklorit anglez dhe rock indie, të cilat gjejnë një homologe ideale në vokalin e Elina Dunit.

Për të kompletuar formacionin, me këtë rast, duo fton bateristin italian Enzo Zirilli tingujt e të cilit i pasurojnë këngët e përjetshme popullore.

Kjo performancë e cila pritet të jetë e paharrueshme vjen më 16 gusht në parkun Karagaq në Pejë./ KultPlus.com

Të ngjajshme