‘hashtagu #metoo për ne gratë shqiptare duhet ba #cilajo’

17 Tetor, 2017 - 5:20 pm

Shkrimtarja Entela Tabaku Sorman, në rrjetin social Facebook, sot ka shkruar rreth hashtagut të njohur #metoo, i cili po përdoret nga gratë në mbarë botën për të treguar se ato janë ngacmuar seksualisht gjatë jetës së tyre.

Sorman ka reaguar në këtë mënyrë mbi #metoo dhe kampanjën e cila ka marrë një jehonë të madhe edhe tek shqiptarët.

– Ky hashtagu #metoo për ne gratë shqiptare duhet ba #cilajo?. Se ku ka grua në Shqipëri që nuk ka vuajtur ngacmimet në rrugë, më së paku, për të mos folur për të tjera. Pa dallim moshe. Kam qenë 6 vjeçe kur më ka ndodhur herën e parë. 46 vjeçe herën e fundit. Pa dallim prejardhjeje, arsimi, peshe, ngjyre flokësh a bukurie, e mbuluar fund e krye apo me minifund.
Ta pranojmë haptas se të GJITHA gratë shqiptare janë të detyruara ta përjetojnë kalvarin e neveritshëm të ngacmimeve në rrugë dhe ta normalizojnë si të ishte një pjesë e natyrshme e jetës. Turp! Turp! Turp! –

Të ngjajshme