Klubi i futbollit Llapi nga Podujeva ka marrë vendim emocional për Legjendën e futbollit, të ndjerin Fadil Vokrri, presidentin e FFK-së. Vokrri hapat e parë i kishte nisur në klubin e Llapit.

“FC Llapi merr vendim emocional por të përjetshëm dhe krenar në shenjë kontributi për Futbollin Shqiptar dhe për FC Llapi-n si klubi i parë i Fadilit. Kemi vendosur për realizimin e Muzeut kushtuar Legjendës së Futbollit Shqiptar të të gjitha kohërave, Fadil Vokrri.Po ashtu FC Llapi tërheq fanellën me numër 9 numri i CIRES tonë kështu e thërrisnin e gjithë Podujeva, numër ky që sezonin e fundit e barti Gentrit Begolli”, bëhet e ditur nga FC Llapi.