Poezi e shkruar nga Alma Papamihali.

Një baba, s’është thjesht një baba,
Por dera e një shtëpie të hapur.
Vazhdimësi shkruar në ballë,
Mbi flok’, përkëdhelje e zgjatur.

Një baba, s’është thjesht një baba,
Por fjalë me peshë të artë,
Ky emër që s’njeh të këmbyer,
I vetmi çelës i saktë…

Një baba është krahu në trup,
Kujdesi në njeri shndërruar,
Mendimi që s’flet por të ndjek,
Mirësi, njëher’ në jetë dhuruar.