Ai ndoshta nuk e ka pritur që këtë vit do të jetë fituesi i Festivalit të TVSH-së, por duket sikur e ka parashikuar një gjë të tillë kur e ka kënduar versionin e një kënge që ka fituar dikur.

Në dhjetor të vitit 2011-të, Rona Nishliu me këngën “Suus” e fitoi Festivalin e fundvitit në TVSH. Disa vite më pas, në dhjetor të 2017-tës, fitorja i ndodhi Eugent Bushpepës me këngën “Mall”.

Bushpepa, një zë i fuqishëm mashkullor në muzikën shqipe, para disa muajsh e ka performuar këngën “Suus” në një prej paraqitjeve të tij.

Dhe në një emision televiziv, ai ka mahnitur me interpretimin e këngës “Suus” që mund ta shikoni në videon e shpërndarë në rrjetet sociale. / KultPlus.com