Në kërkim të artit është ekspozita e artistit Helidon Gjergji në Qendrën për Hapje dhe Dialog.

Një ekspozitë që ka në qendër internetin dhe ftohtësinë e kaosin që mbizotëron në rrjet, e vënë përballë emocionit që përcjell arti dhe kurorëzohet me punën e disa fëmijëve. Mënyra se si ata e shohin imazhin është shumë unike dhe në antitezë me atë që ofron motori i kërkimit.

Perceptimi i artistit për marrëdhënien e tij mbi imazhet është një ndër subjektet kryesore të punës së tij. Në botën e sotme ku gjithçka ka në qendër një pëlqim apo mos pëlqim emocionet po humbasin kuptimin e tyre. Sepse gjithçka sot në drejtim të thjeshtësimit.

Por sa e fortë është ndjeshmëria sociale e njeriut? Kjo ekspozitë kërkon një përgjigje.

Në fund arti dhe krijimtaria nuk kanë kufij. Këtë shpreh dhe Helidon Gjergji në këtë ekspozitë./ KultPlus.com