Filmi ”Father Mother Sister Brother” i regjisorit Jim Jarmusch fitoi sonte ”Luanin e artë”, në Festivalin e Filmit në Venecia.

Ky film eksploron marrëdhëniet familjare në një triptik midis Nju Xherseit, Dublinit dhe Parisit duke paraqitur një kast të mbushur me yje, përfshirë Adam Driver, Cate Blanchett dhe Tom Waits.

Ndërkaq, filmi i regjisorit Kaouther Ben Hania për Gazën, i cili është konsideruar si një nga më të preferuarit gjatë festivalit, u vlerësua me ”Luanin e argjendtë”, çmimin e dytë më të lartë të festivalit.

Filmi i Jarmusch ka triumfuar mbi filmat e tjerë të preferuar si:“The Voice of Hind Rajab” nga regjisori tunizian Kaouther Ben Hania, “A House of Dynamite” nga regjisorja amerikane Kathryn Bigelow dhe “No Other Choice” nga Park Chan Wook i Koresë së Jugut.

Venecia konsiderohet gjerësisht si një nga tre festivalet më të mira të filmit në Evropë, së bashku me Kanën dhe Berlinalen.

Më poshtë është lista e çmimeve të dhëna sonte:

Luani i Artë — Filmi më i mirë
“Father Mother Sister Brother”

Luani i Argjendtë — Çmimi i madh i jurisë
“The Voice of Hind Rajab”

Luani i Argjendtë — Regjisori më i mirë
Benny Safdie, “Smashing Machine”

Çmimi special i jurisë
“Below the Clouds” nga Gianfranco Rossi

Aktori më i mirë
Toni Servillo për “La Grazia” (Itali)

Aktorja më e mirë
Xin Zhilei për “The Sun Rises on Us All” (Kinë)

Skenari më i mirë
Gilles Marchand për “At Work” (Francë)

Aktorja më e mirë e me
Luna Wedler për “Silent Friend” (Gjermani, Francë, Hungari)

Çmimi i publikut Armani Beauty
“Calle Málaga” nga Maryam Touzani

Luani i së ardhmes 
“Short Summer” nga Nastia Korkia

Filmi më i mirë
“En El Camino” nga David Pablos (Meksikë)

Çmimi i jurisë speciale
“Lost Land” nga Akio Fujimoto (Japoni, Francë, Malajzi, Gjermani)

Regjisori më i mirë
Anuparna Roy për “Songs of the Forgotten Trees” (Indi)

Skenari më i mirë
Ana Cristina Barragan për “The Ivy” (Ekuador, Meksikë, Francë, Spanjë)

Aktorja më e mirë
Benedetta Porcaroli për “The Rrëmbimi i Arabellës” (Itali)

Aktori më i mirë
Giacomo Covi për “A Year of School” (Itali, Francë)

Filmi më i mirë i shkurtër
“Without Kelly,” Lovisa Sirén (Suedi)./ KultPlus.com