Alban Muja fillon përgatitjet për realizimin e veprës që përfaqëson Kosovën në Bienale

24 Shkurt, 2019 - 12:00 pm

Pas propozimit të komisioneres së Pavijonit të Kosovës në Bienalen e Venedikut, Arta Agani, njëherësh drejtoreshë e Galerisë Kombëtare të Kosovës, Ministri i Kulturës, Rinisë dhe Sportit, Kujtim Gashi, pati marrë vendim që artisti Alban Muja të prezantojë Kosovën në edicionin e 58-të të Ekspozitës Ndërkombëtare të Artit në Bienalen e Venedikut që do të mbahet nga 11 maj deri më 24 nëntor 2019.

Alban Muja në mëngjesin e sotshëm, ka ndarë me publikun disa fotografi teksa tregon që tashmë kanë filluar përgatitjet për realizimin e veprës që do të përfaqësojë Kosovën në Bienalen e 58-të të Venedikut.

Vepra ka filluar përgatitjet për realizim në Teatrin Kombëtar të Kosovës.

Artisti Alban Muja, i cili do të prezantojë Kosovën në Bienale, është emër i afirmuar edhe në skenën botërore të artit. Puna e Mujës është ekspozuar gjerësisht në festivale të ndryshme, panaire arti, ekspozita grupore dhe solo./ KultPlus.com

Të fundit

Të ngjajshme