Artistja kosovare, Qëndresa Krasniqi, më 6 tetor nga ora 19:00 do ta hapë ekspozitën ‘Naked-eye’, shkruan KultPlus.

11 piktura të realizuara në teknikën akrilik në pëlhurë do të jenë të ekspozuara për dy javë në ambientet e KultPlus Caffe Gallery.

Artistja ka përfunduar studimet Bachelor në Universitetin e Prishtinës “Hasan Prishtina” Fakulteti i Arteve, Dega e Arteve Dramatike, programi: Dizajn skene dhe Kostumografi.

Pasioni i saj për artin ka filluar qysh në moshë të re. Ky pasion vazhdoi për shumë vite duke u angazhuar në projekte të ndryshme: shfaqje, filma, seriale, reklama etj, kryesisht si skenografe dhe kostumografe./KultPlus.com