Ekspozitë fotografike, Durrësi në sytë e fotografit Gëzim Domi

25 Qershor, 2022 - 3:15 pm

40 vjet nga jeta e një qyteti, të skalitura në imazhet e fotografit Gëzim Domi u prezantuan në një ekspozitë të veçantë të çelur në ambientet e jashtme të Muzeut Arkeologjik në Durrës.

Mbi 200 fotografi u prezantuan në ekspozitën e Gëzim Domit, fotografit të mirënjohur, i cili i ka mbledhur bashkë me vështirësinë për t’i ndarë krijimet e tij nga pjesa tjetër, ku dokumentohet me vërtetësinë e shkrepjes që fikson njëherë e mirë momentin, Durrësi në të gjithë dimensionet e tij.

Në fotografitë e Domit pasqyrohet deti, perëndimet e diellit, portrete njerëzore, ndërsa sigurisht nuk mund të mungonte simboli i qytetit, porti.

Arkiva e fotove të Gëzim Domit është një destinacion që mund ta përdorësh si “makinën e kohës”, për t’u kthyer pas, për t’u mbushur me mall dhe nostalgji ku gjejnë veten mijëra durrsakë./atsh/ KultPlus.com

Të fundit

Të ngjajshme