Gani Llalloshi sjellë ekspozitën “Qielli është i kaltër” në GKK

18 Dhjetor, 2018 - 1:30 pm

Galeria Kombëtare e Kosovës, të enjten mirëpret ekspozitën e artistit Gani Llalloshi të titulluar“Qielli është i kaltër”.

Gani Llalloshi u lind më 8 maj 1965 në Prishtinë. Pas diplomimit në Akademinë e Arteve të Bukura në Prishtinë në vitin 1989, në drejtimin e pikturës në klasën e profesor Nysret Salihamixhiqit, po të njëjtin vit u regjistrua në Akademinë e Arteve të Bukura në Lubjanë, Slloveni.

Studimet pasuniversitare në pikturë i përfundoi në vitin 1991 te profesor Andrei Jemec, ndërsa në vitin 1993 e përfundoi grafikën te profesor Lojze Logar. Si bursist nga Qeveria Gjermane me bursën DAAD në vitet 1997/98 studioi në HDK (Shkolla e Lartë e Artit) në Berlin.

Që nga viti 1989 është anëtar i Shoqatës së Artistëvetë Kosovës si dhe nga viti 1990 është anëtar i ZDSLU (Shoqata e artistëveSlloven). Ai jeton dhe punon në Piran, Slloveni.

Kjo ekspozitë është kuruar nga Andrej Medved. Ceremonia e hapjes do të bëhet të enjten më 20 dhjetor duke filluar nga ora 20:00 në Galerinë Kombëtare të Kosovës./KultPlus.com

Të fundit

Të ngjajshme