“op, op”, është një ekspozitë personale e Jakup Ferrit. Ferri është i njohur për vizatimet e tij në dukje të sinqerta në letër, qelq, madje edhe në mure. Ai është pjesë e një brezi të ri artistësh të cilët si rezultat i ekspozitave ndërkombëtare dhe programeve rezidenciale, jetojnë një ekzistencë nomade.

Puna e Ferrit karakterizohet nga thjeshtësia dhe çiltërsia, duke portretizuar njerëzit në izolimin e tyre, të tjetërsuar nga mjedisi i tyre.

“op op”, do të paraqesë punën më të re të Ferri-t të prodhuar në tapiseri. Për anën teknike dhe realizimin e mozaikut, Ferri bashkëpunoi me Fatos Kabashin dhe 8 asistentë të tjerë.

Vitet e fundit Ferri ka hulumtuar teknikat e ndryshme artizanale të përdorura në artin dhe pikturat autoktone popullore. Ai i kushton rëndësi të madhe natyrës autentike dhe të parafinuar të këtyre veprave. Kurioziteti Jakup Ferrit u ngjall kur në moshë të re ra në kontakt me artet tradicionale të tekstilit të punuar me dorë. Ai filloi të grumbullonte qilima të vjetër dhe të kërkonte nëpër tregje përvetësime të reja.

Këto tapiseri unike na çojnë në botën poetike të Ferrit, të mbushur me kujtime të rinisë së tij në Kosovë. Një temë e përbashkët në punën e tij është dëshira për të pasur një ndjenjë solidariteti me familjen, miqtë dhe shokët e tij të shpirtit. Në të njëjtën kohë në punën e tij ai tregon lirinë e stilit të jetës së tij bohemiane.

Jakup Ferri i lindur në vitin 1981, në Prishtinë, Kosovë, ka studiuar në Fakultetin e Arteve të Prishtinës dhe Rijksakademy në Amsterdam.

Në vitin 2008, Jakup Ferri mori çmimin Buning Brongers në Amsterdam. Ai ka marrë pjesënë ekspozita të ndryshme ndërkombëtare, ndër të tjera: U-TURN Quadrennial for Contemporary Art Copenhagen, Istanbul Biennal dhe De Hallen në Haarlem.

Me rastin e hapjes së ekspozitës do të zhvillohet një performancë speciale nga TETRIS

Kolektivi i artistëve – TETRIS është ftuar për të performuar në hapjen e ekspozitës. Grupi eksperimental synth-electronica bashkëpunon me Jakup Ferrin dhe e frymëzojnë njëri-tjetrin në punën e tyre

Ekspozita është mbështetur nga American Bank of Investments. / KultPlus.com