Shoqata e Artistëve Figurativë të Vushtrrisë në bashkëpunim me L’art Youth Gallery organizon Kolonin e Artit, “Muaji i Pikturës”.

Ky është edicioni i V-të i kësaj kolonie dhe do të mbahet në datat 27, 28 dhe 29 tetor 2023.

Kjo koloni nderohet me pjesëmarrjen e mbi 30 artistëve nga mbarë trevat shqiptare, të cilët sot, ditë e premte do të vizitojnë monumentet kulturo-historike të qytetit të Vushtrrisë.

Të shtunën do të punohet me realizimin e pikturave, dhe të dielën me 29 Tetor duke filluar nga ora 18:00 do të bëhet hapja e ekspozitës në Galerinë e Shtëpisë së Kulturës “Hasan Prishtina”, në Vushtrri. 

Ky projekt është përkrahur nga Komuna e Vushtrrisë, Drejtoria për Kulturë , Rini dhe Sport. / KultPlus.com